Wendy's Blog

西岸陽光充沛

終於收拾好行李。check check 天氣﹐未來幾日﹐西雅圖陽光充沛﹐真好。 這幾天很多人問我快將去Seattle, 係唔係好 excited 。其實﹐坦白講今次外遊的心情有D特別。當然放假﹐又有機會去玩﹐去探好久不見既好朋友YY﹐係好開心。 不過﹐完全無目的﹐無安排過行程就去玩﹐我都係第一次。通常出門﹐都係有D special occasion, wedding, graduation, family union 之類。 又或者係放long weekend, 成班人一齊出trip。  今次去Seattle, 係因為同個大學同學IM, 知道佢係Seattle 做intern, 我話不如我黎探你﹐甘樣決定既。好快就買左機票﹐之後都無plan 過﹐連聽日要早走﹐都係尋日先問老細。 so far 係知道應該會去個 concert, 其他時間﹐去到先算﹐有可能去hiking, 去Vancouver﹐都未知。星期五同星期一﹐YY 要返工﹐仲要自己拎住本travel guide係Seattle遊覽﹐我真係未試過。有少少驚會蕩失路﹐又唔知會唔會悶呢。不過﹐自問做開導遊﹐方向感唔差﹐我又會帶本書去睇﹐所以應該無問題。其實有個機會行開下﹐去一個不同既環境﹐唔錯﹐所以雖然可以多探其他朋友﹐我都無打算通知佢地﹐希望自己一個既時候可以安靜一下﹐諗下一D平時諗唔通既野。希望禮拜二返到黎﹐有D突破。

posted by 板板子 @ 9:36 PM