Wendy's Blog

BL講食

今日同BBT 係comment box 度傾開 Philly 既餐廳﹐講到興致勃勃。諗翻起係費城甘多年去過既食店都唔少。我唔係蔡瀾﹐唔識食﹐亦都唔敢係度寫食經﹐不過講下自己鐘意既餐廳都可以。

除左Chinatown 既之外, 去得最多既相信係 Shiroi Hana 白花。大學時代經常去﹐係白花留下不少回憶。以前Shiroi Hana 二樓有得租帶﹐我就係係果度租經典日劇<東京愛的故事>, 重要係日文版添。開始係Philly 返工之後都去過好幾次﹐食物唔錯﹐地點又適中。最近個次係今年既生日﹐同班好朋友一齊慶祝﹐好難忘。

另一間去得多既係Rose Tattoo Cafe. 第一次去係 highschool 既恩師 Mrs. L 帶我去﹐重記得一齊去 Art Museum 睇完 Cezanne, 去RTC 食飯。當時已經覺得裝修好靚好特別﹐但係食物好唔好﹐我都唔識。兩﹐三年前同D 姊妹再去﹐先發現原來係甘好﹐RTC 既mushroom soup, 非常非常美味﹐因為去得多﹐大部份entree 都試過﹐印象中每一款都好食﹐而且份量頗多﹐我地多數都係share entree, 因為要留肚食RTC 既甜品﹐佢地既creme brulee, 真係...我都唔識點形容﹐要大家親自去試先得。

我比較喜愛日本餐﹐因為清D﹐健康D。食魚生﹐壽司﹐個人心水係South Jersey Collingswood 既 Sagami. 其實同我家好近﹐但係無人陪, 我都好耐無去過啦. Sagami 地方細﹐人亦多﹐但係呢間連 Penn 既日文老師都推薦既餐廳﹐我就好buy. 其實係Phllly 既 Japanese restaurant 都唔少﹐Genji, 係Penn campus 同 17 & Sansom 都有。係Walnut 有Oasis, 係食buffet既。當然重有 7 & Chestnut 既 Morimoto, 係 Penn 有 Pod. Morimoto, 我未去過﹐亦無打算去﹐因為實在貴﹐亦覺得似乎係食decor 同Iron Chef 既名氣多於一切。Pod 既賣點係可以玩轉燈﹐食物就麻麻啦。Philly 重有其他 Japanese restaurant, 我一係未去過﹐又可能去過﹐但係無咩特別。

另外去過較突出既restaurant有 Founders (服務最好,環境非常romantic﹐view 又靚), Le Bec Fin (全城至top, restaurant week 既時候去﹐$30 for 3 courses, 9/26 到10/1又有啦)﹐Swann Lounge (sunday brunch, weekend dessert), Tangerine, Striped Bass, Brasserie Perrier, Rouge, Jake's (Manuyank), La Campagne (Cherry Hill), Le Castagne, 等等。其他如 McCormick & Schmick's, Dmitri's, Devon, Ernesto's 1521 Cafe, Bertucci's, 有D係 chain, 但係都好有水準。

其實重有好多餐廳未去過﹐現時最想試 Buddakan 同 Lacroix. 不過其實我最享受既係同朋友一齊﹐一邊食﹐一邊有傾有講﹐就算淨係買sandwich, 坐係公園食﹐又或者係South Philly 食Philly Cheesesteak (不過當然 Pat's 係好出名既)﹐我都已經覺得好開心﹐好滿足啦。.[+/-] result

posted by 板板子 @ 10:20 PM