小小發現
記得在巴西時﹐曾有弟兄講過﹐我很會從小事上看到值得感恩﹐開心的地方。
今晚﹐發然阻塞了多時﹐但又遲遲未有時間找人來修理的浴缸竟然通了。媽說﹐可能在我們用強力的通渠水處理的時候就早已好了﹐只是我們一直不知道吧。明早﹐會做一個10-15分鐘的小測試﹐看看是否真的沒問題。
無論如何﹐這個小小發現令我覺得高興﹐是一個不算小的驚喜﹐因為如果真的好了﹐方便好多啊。可能好像有點勉強﹐但這令我想起福音的種子也一樣﹐我們撒了﹐在我們不察覺的時候﹐神可能已經動了工﹐種子成長了﹐浴缸通了﹐只等我們去開開水喉﹐去收割。
突然覺得有點曙光。
好過一點
為了令自己好過一點﹐有些人事東西﹐我會不看﹐不想﹐看到也會視而不見﹐無謂加添自己的煩惱。
這世界非我家
今天想起這首心愛的詩歌。
MIDI1
這世界非我家，我無一定住處，
我積財寶在天，時刻仰望我主；
天門為我大開，天使呼召迎迓，
故我不再貪愛這世界為我家。
我主，你知，我無良友像你，
天堂若非我家，我必流離無依，
天門為我大開，天使呼召迎迓。
故我不再貪愛這世界為我家。
2
天上萬眾聖徒，望我快來相見，
我將前往歡聚，主已赦我罪愆；
我雖軟弱貧苦，靠主無一所掛，
故我不再貪愛這世界為我家。
我主，你知，我無良友像你，
天堂若非我家，我必流離無依，
天門為我大開，天使呼召迎迓。
故我不再貪愛這世界為我家。
失魂
繼昨天忘了打電話去診所﹐今天又忘了買菜﹐被罵﹐也無話可說...
Easter's eve
去CVS幫亞媽買藥﹐竟然人山人海﹐原來Easter's eve, 好多人去買 Easter 既朱古力﹐禮物等等﹐復活節的意義就是這樣了麼?
馬太福音28:1-10
安息日將盡、七日的頭一日、天快亮的時候、抹大拉的馬利亞、和那個馬利亞、來看墳墓。
忽然地大震動．因為有主的使者、從天上下來、把石頭滾開、坐在上面。
他的像貌如同閃電、衣服潔白如雪。
看守的人、就因他嚇得渾身亂戰、甚至和死人一樣。
天使對婦女說、不要害怕、我知道你們是尋找那釘十字架的耶穌。
他不在這裏、照他所說的、已經復活了．你們來看安放主的地方。
快去告訴他的門徒說、他從死裏復活了．並且在你們以先往加利利去、在那裏你們要見他．看哪．我已經告訴你們了。
婦女們就急忙離開墳墓、又害怕、又大大的歡喜、跑去要報給他的門徒。
忽然耶穌遇見他們、說、願你們平安。他們就上前抱住他的腳拜他。
耶穌對他們說、不要害怕、你們去告訴我的弟兄、叫他們往加利利去、在那裏必見我。
順得哥情失嫂意
點解那麼多責任呢﹐點解一定要我呢? 順得哥情失嫂意﹐如果我去了晨曦崇拜﹐不去觀禮﹐我想對方是要失望的了﹐但我自己的計畫呢? 有無人想過我也有我的計劃呢。我明白這是很重要的一天﹐但我真的不知道是明天呢。很多時﹐尤其現在開始﹐很多活動﹐我未必能參予了。也算是領袖之一﹐不參 予﹐是會被怪罪的。不是不想﹐但我也有難處的。其實﹐家中很多事做不了﹐有的父母也會不悅的﹐可能只是我爸媽從來不會說些甚麼吧﹐
現在﹐我仍不知明天會決定如何。
早點回家
今天沒有留下吃晚飯是個好的決定﹐因為家裡要做的也不少﹐家務, 爸爸是幫不了甚麼﹐媽媽下班回來已經很累了﹐起碼﹐我也能幫上一點點忙。
skit
多謝大家的參予﹐ 默劇做得很好哦﹐相信長輩們都明白當中的信息。福音的種子撒下了﹐一定會有收割的一天。
今天的主題...
是頭痛﹐started the day with a bad headache, 下午時好了些﹐但越來越痛﹐完了community service, 更痛﹐如果我好像面黑黑的﹐說話語氣重了﹐對不起﹐但真的很頭痛...
Tin Gai Cookies
兄弟姊妹﹐弟兄姊妹
如果大家有兄弟姊妹的話﹐可能有時都會覺得兄弟姊妹好煩﹐技安好曳﹐大佬火爆, etc. etc. 但係有兄弟姊妹其實係一個祝福﹐有事既時候﹐佢地會打電話睇下你點﹐又可以一齊商量。當然﹐有弟兄姊妹都係, 有事﹐大家都會留言﹐email 鼓勵﹐多謝大家﹐尤其今日email 我既弟兄姊妹。 今早報告出左﹐爸爸有
Gastrointestinal stromal tumor ﹐要做手術﹐現在已經約了下星期一做CT scan, 之後要再做ultrasound, 才可以安排手術日期。今朝開完會﹐之後聽到媽媽的留言已心知不妙﹐之後同醫生傾﹐起初她說cancer, 但之後又更正說是比夠慢生長的腫瘤﹐未知良性或惡性﹐但要切除。無論如何﹐知道結果可以對症下藥係好事。 我自己ok 既﹐但係媽媽就比較擔心﹐請大家繼續代禱﹐謝謝!
Dali
今日﹐收到早前訂的
Dali 門票, 收到了﹐就一定會去。過去一年﹐很少去museum, 真的有點浪費了會員的福利, 有點猶疑﹐來年應否再參加呢?
remote angels, local angels
今日多謝在遠方的remote angel 聽我傾訴﹐在受壓的時候﹐有人伶聽﹐真的好有幫助。
當然亦多謝其他local angels 的關心。今天收到不少問候的電郵﹐留言與IM﹐真的好多謝大家。雖然只係短短的問候﹐但係真的令我覺得好溫暖。尤其今日收到worker 的email, 好多謝你﹐雖然唔知你幾時會再來blog睇。其實我ok既﹐大家不用擔心﹐只是累了一些。爸爸的報告未出﹐希望胃的ulcer 不是惡性吧。請大家繼續代禱, 謝謝!
均衡飲食
回來之後﹐有感放假時常常不適﹐加上近日身邊很多人病﹐這陣子盡量均衡飲食。基本上係多飲水(起碼在公司時), 早餐兩片塗nutella 的麵包﹐午餐一小盒有菜有肉既飯﹐加食兩個奇異果(或其他生果)﹐晚上就唔食白飯。另外一日一杯橙汁﹐一杯奶加cereal﹐同埋會食一小片朱古力﹐加少少黃豆做零食。其實沒有根據那個營養金字塔去做﹐但我想也不太差吧。
sunrise service
本星期日教會將會有復活節晨曦崇拜﹐會在7:15 開始﹐一來真的很想在這特別的日子的清晨去敬拜﹐加上已經跟你一言為定﹐所以如無意外﹐我是會參加的。今天經過火車站附近的一教會﹐見到他們的banner 說會有sunrise service, 更會在湖邊舉行﹐但時間會在5:52, 有點好奇﹐為甚麼呢? 想問下大家知不知為何? 如知道﹐可否告訴我點解﹐謝謝!
愛莫能助
不想太過灰﹐但近日真的發現好多問題﹐身邊太多人抑鬱﹐失眠﹐生病﹐好努力都幫不了甚麼﹐令自己都有點想逃避的感覺...
Word of wisdoms I: 只會越來越忙
早前﹐A子話過
"葉子的離開，是因為風的追求，還是樹的不挽留。" 這句話已經成為佢既格言, 令BL諗起其實除左係聖經裡面﹐係其他地方都聽過一些有智慧既說話﹐好想寫低同大家分享下。
今次返香港﹐巧合地係機場既洗手間門外遇見余sir 同Ms. Lau. 曾經被大家認為甚似風清揚既余sir其實從未教過我﹐而一向戴黑框文化人眼鏡既Ms. Lau 係教美術既﹐相信亦唔會記得BL呢個無天分既學生﹐所以無打到招呼。但一直都記得Ms. Lau 係初中對我地講既說話﹐大意係人只會越來越忙﹐要係年輕時就學習將屬神既時間交返俾神。當時BL只係同傳說中既珊珊既年紀﹐亦只係初信﹐唔係好明白老師既深意﹐但說話就記得好清楚。
人越大﹐越感受到這句話既意思。真係﹐人越大﹐就會有越多既責任﹐工作既﹐家庭既﹐有好多野﹐唔到你去揀做定唔做。父母生病﹐子女不適﹐一定要擺時間落去。讀書時期其實真係一個比夠自由既時間﹐如果係呢個時候都唔能夠安排好時間去讀經﹐禱告﹐事奉﹐將來只會更加抽唔到時間。而且係每一個人生階段﹐神都會俾唔同既機會我地去成長﹐去學習﹐去接觸身邊既人﹐用自己既生命去影響其他人既生命。呢D機會﹐過左去就唔會再有。有時見到大家唔珍惜呢D機會﹐都覺得好可惜。希望大家無論係咩人生階段都好好學習安排好自己人生既優先次序啦。讀書係緊要﹐但係唔係生命既全部呀。
最佳位置
一首不算新的歌﹐但聽過之後一直記得﹐是因為...
我也數過 排著隊等討好你有幾個
還未有新空缺 來容納我
正選只得一個 後選經已太多
我細心想過 停在今天這一處也不錯
越過知己的親密 然而未有擁吻過
共你這麼的曖昧 已得到甚多
＊無論你喜歡誰 請你記住留下給我這位置
時常在內心一隅 空出幾吋為我堅持
同渡半生 亦有張椅子
是否愛還是其次＊
只想你依然 亦想得起我不是 任你處置
女友一走過 鄰坐空位都可以坐一坐
若你珍惜我 不如從來沒有愛戀過
互有好感的尊重 更加可貴麼
REPEAT＊
比不上戀人 但廝守一輩子
無論你喜歡誰 請你繼續留下身邊這個位置
時常在內心一隅 剩低幾吋 留給這女子
誰共你好 都不礙事 我都會 衷心支持
未必所有關係 亦受得起刺激 但我可以
虔誠地 熱戀一輩子
共你也許 真的不容易
喜歡你 最好不要講 安守這位置
歌手：陳慧琳
作曲：馮穎琪
填詞：黃偉文
編曲：Billy Chan
相簿留言
多謝大家來瀏覽兩國四城自由行的相簿﹐更多謝大家有趣的留言﹐我盡量地回覆了﹐有空請去看看。
有人辭官歸故里
上星期同事R請辭, 今日同事E上任。
E 是頂替去年不辭而別的同事L 的(詳請見
震驚)。隔了三個月終於有新人﹐老闆似乎有點如釋重負之感。剛上班﹐自然要受訓。今天﹐這個重任落在我身上。想起去年這時候﹐我還是新丁﹐今日已經成為部門的老將之一。時間過得真快﹐亦反映本部門流動性之大。訓練別人﹐比自己做難得多﹐要講得清楚明白真的不容易。因為要教人的關係﹐亦發現原來有些東西自己亦不大清楚, 相信自己都要惡補一下。
以前都有管理過人﹐但都不是太習慣﹐可能始終覺得自己做還快一些。但要學做新的工作﹐就要放下舊的﹐總不成永遠都做同樣的事情吧。相信這會是新的挑戰。但正如在部門工作了三年多的同事D所說﹐希望E能做下去吧。
四張機之七...兒女私情自尋煩惱
今天﹐想起四張機這個擱下已久的專題。
因為某些原因﹐以為不會再寫的了。但我想葉子的故事﹐是真的感動過大家吧﹐似乎不少讀者仍然記得。只是近日對筆者而言﹐兒女私情﹐與其他更重要的事情相比﹐真的不值得提。坦白說﹐很多時這方面的事情都是煩惱居多, 而煩惱又似乎是自尋的多﹐但我想是應該可以找到平衡。葉子的故事﹐結局其實也算是好的吧﹐大概過程中﹐不免有傷心難過﹐如果能將目光放遠一些﹐可能會有意外的收穫。
「葉子的離開，是因為風的追求，還是樹的不挽留。」
多謝
多謝大家關心與代禱﹐今天爸爸似乎好多了。
今日與一些弟兄姊妹談過﹐大家給了些建議。聽了某些之後﹐我其實是比先前更擔心的﹐但耶穌教導不要為明天憂慮﹐加上報告未出﹐還是到真的要擔心的時候才擔心吧。
不過﹐爸爸病﹐反而更擔心媽媽。雖然身體痛苦的是他﹐真正憂心失眠的卻是她。
enough drama for one day...
今日花了大部份時間收拾別人留下的爛攤子﹐還有其他的deadlines。臨走﹐發現又一同事要離開。當然﹐他有正式的請辭﹐他亦只是轉到另一部門工作。但想起一年前他還與我同一天開工呢. 很快他便要走了。短短一年﹐部門有很大的轉變。職場上來來去去其實很平常﹐但今天﹐應該說是整個星期已經歷了太多drama。其實這些事情都不是發生在自己身上﹐家人﹐工作﹐朋友, 遠的﹐近的。基本上﹐自覺盡了力﹐亦不算過分憂心, 很多事情﹐我只能伶聽﹐給意見﹐幫手﹐禱告。但﹐真的夠了﹐不是在說負氣說話﹐只是真的累了﹐體力不支, 好吧﹐今晚到此為止啦.
Six degrees of separation...
Definition: everyone on Earth is separated from anyone else by no more than six degrees of separation, or six friends of friends of friends.
可能大家都有聽過﹐所有既西片明星都可以係六部戲以內link 到同Kevin Bacon 有關﹐好似Jude Law ...
Jude Law was in Road to Perdition (2002)with Jennifer Jason Leigh.
Jennifer Jason Leigh was in In the Cut (2003) Kevin Bacon.
又好似J Lo...
Jennifer Lopez was in U Turn (1997) with Sean Penn.
Sean Penn was in Mystic River (2003) with Kevin Bacon.
唔信可以去試下:
http://www.cs.virginia.edu/oracle/
今日發現﹐北美華人社會好有可能都有甘既現象﹐雖然唔係exactly一樣﹐但係都發現世界真細小...就用BL做例子...
A子有個blog 叫
自由講...
BL 因係教會既關係﹐識得A子﹐見到佢個blog﹐ 自己又開番個
無名blog...BL同A子收到姊妹J的消息﹐會遷居上海﹐係farewell 既時候﹐大家講好遲D去探姊妹J
花蝴蝶﹐BL既蘇眉﹐見到A子同BL既blog, 又開左個
蝶喋不休...積琪蓮﹐亞花既中學同學﹐係去蝶喋不休既時候﹐發現左本城各人既blog, 重同BL一見如故...
BL 同A子去兩國四城自由行﹐打攪了J幾日...
BL同積琪蓮分享旅遊照片...
驚人大發現: 姊妹J係積琪蓮既中一死黨...
世界真係細!!
比返工還累...
今日﹐因亞爸要做檢查﹐請了假。但身心都比返工還累...醫院攪錯了appointment, 等了兩個多小時才輪到﹐procedure 又做了兩個多小時。四點幾回到家中﹐但鄰居裝新屋頂﹐朝七晚六都未得﹐早上已被吵醒﹐現在又太嘈睡不了...
感恩的是暫時沒有發現甚麼惡性的東西﹐希望報告ok 啦。但仍然擔心小產了的表嫂...
學習
越來越發現身邊很多問題﹐很多不開心的人﹐不開心的事。有些事情花了很多時間都解決不了﹐有時會覺得不公平﹐為甚麼一少撮人的錯誤要由大部份人去承受結果? 但希望這會是一個好好的反省與學習的機會﹐學習不去計較﹐學習寬恕﹐學習禱告的功課﹐學習與傷心的人同行。我想﹐神是會改變人的﹐縱然人都覺得氣餒﹐覺得無可能﹐想放棄﹐但神會管教祂愛的人﹐
也有值得高興的﹐因為這段路﹐不是自己一人走的﹐神早已安排了一班同路人﹐一起努力吧!
生老病死...
突然間覺得生老病死不再是那麼遙遠的事情。今天﹐喜訊變了噩號, 明天, 醫生又會怎說呢? 人一出生﹐就會病﹐會一天一天老。 有時想﹐現在的生活不錯呀﹐但其實誰又知道明天會如何呢? 如果沒有永生的盼望﹐日子會怎樣過呢?
傷心...
如果我都覺得好傷心﹐你們一定更加傷心...不過神有祂的計劃﹐為你們祈禱呀!! 但係真的很傷心呀...
兩國四城自由行之會友
今次旅程﹐除了吃﹐買之外﹐最重要的節目當然是跟各方好友會面。
在香港﹐除了10A之外﹐就只見了中學的老師與同學。多年不見﹐可幸既係大家都別來無恙。
多謝好友S帶我同A子係銅鑼環行左大半日﹐無左S﹐我地唔會買到積及橙餅﹐亦都無江酥餅食﹐亦都見唔到Bobbi Brown 既counter。甘我地個靚頭﹐亦都係多得S介紹我地去
Hair Corner. Bosco 既手勢唔錯﹐又有心機﹐重收我地平D﹐洗剪吹染都係$750﹐ 所以我地介紹姊妹J都去Hair Corner. 希望佢都滿意啦。
重要多謝好姊妹R陪我去行書室。好開心一齊食飯﹐分享﹐原來多年不見﹐姊妹情不變﹐可惜時間緊逼﹐只能出來一次﹐但相信將來會再有機會。
終於見到L同L太太﹐重第一次收到同學派的利是呢。有L的地方﹐就會有謝同學﹐雖然甘耐無見﹐大家的話題都不少﹐非常好笑。
差不多見不到鍾Sir, 但係甘難得又點可以唔見呢? 山長水遠都要去同亞Sir 食餐飯。重有P﹐雖然人少少﹐食店亦普通﹐但食得開心﹐傾得開心﹐雖然遠都係值得。
壓軸就係見Ms. Wai 同其他同學。見到老師真係好開心﹐記起以往老師既厚愛﹐真係感恩去唔到第一志願﹐如果唔係﹐我亦未別會在年輕時就認識神。其實最有意思係見到YY (又一個YY添﹐我識得太多YY啦)﹐相信將來會同YY聯絡多D。
兩國四城自由行之小小手信
去玩﹐除了飲飲食食之外﹐最喜歡買手信。原來買禮物送人﹐真係好開心﹐有時見到某樣物件﹐就會諗想起某位好友﹐好似紅色既出前一丁﹐又好似可樂糖﹐積及橙餅﹐各式各樣cute 的小玩意。今日終於送出最大的兩份禮﹐房間頓時多出不少空間﹐可惜仍然混亂。小小意思﹐希望你們喜歡。
Just in case 大家等緊明信片﹐今次因病關係只係限量寄出﹐基本上只係每地寄出一張﹐不過係本網都圖文並茂地分享旅行的情況﹐係呢度睇都一樣既。
過去一星期
是忙碌卻又愉快的﹐兩個人﹐當然是好的, 期待下一次的約定...週末﹐幾數位弟兄姊妹談近況﹐談事奉﹐彼此代禱﹐時間過得真快。週六午餐﹐hotpot prep, prestudy, hotpot, 雖然趕了一些﹐但覺得很充實。今早與姊妹一同吃早餐﹐準時到主日學﹐以後真的要早點出門呢!! 一大班人食飯﹐尤其有機會與平常不多見的學生們傾傾講講﹐蠻高興的! 希望生活多點平衡﹐獨處﹐兩個人﹐幾個人﹐一大班人的時間都是相當要緊的。
兩國四城自由行之澳門一日豪華團
兩國四城自由行的四城﹐除了香港﹐上海﹐東京外﹐還包括了距離香港只有45分鐘船程的澳門。
澳門﹐只有在小時候去過一次。多年未訪﹐除了要到一到名勝外﹐更加要嘗嘗當地的美食。
多謝靚媽帶隊﹐一行四人﹐九點到了港澳碼頭。可能是春節的關係﹐普通票要十一點才有位。時間緊逼﹐加上抱著一世人都要豪一次的心態﹐於是多花一百大元買了豪華位。雖然比起普通位差不多貴了一倍﹐但其實相當物有所值。除了有一客不錯的早餐﹐報紙外﹐豪華位是在船頭﹐可以快人一步下船。剛巧我們四人﹐被安排坐在四人的私人包廂內﹐十分舒服。當然更令我們受寵若驚的是靚媽預備﹐口感十足的冰糖燕窩早餐。在此再次多謝靚靚同靚媽!
大霧﹐所以花了個多小時才到達。為了看看風景﹐我們坐巴士﹐看到新開的Sands Casino, 金紫荊廣場等﹐在議事亭前地附近下車, 行下遊客景點。見到在香港一直無緣去的義順﹐先吃一碗又軟又滑又香的雙皮奶, 非常滿意。
走走看看﹐到了專賣食物手信的鉅記﹐單是試食已有點飽的感覺。幸好仍有大三巴、大炮台要行。從來無係大三巴前面影相﹐巡例都要係景點留影。行完再到黃枝記吃竹升雲吞麵﹐蝦子撈麵﹐好味道。
最後當然要試試出名的葡撻! 到了瑪嘉烈﹐下午茶時間人也不少。果然係好好好味! 最後再坐巴士作一次環島遊﹐就結束了今次的澳門一日豪華團。當然還有地方未去﹐很多美食未嘗﹐但來日方長﹐一定有機會!
一言為定
竟然未曾張貼過一言為定的歌詞﹐但不知怎的這幾天常常想起...是否帶上了戒指就真的不會賴帳呢?
一言為定作曲：陳輝陽
填詞：黃偉文
編曲：陳輝陽
熱吻間 為何仍像有幅牆
我問誰令你感傷
為何 仍然是這樣
門關起 不准我入場
我心中 未來甜蜜那影像
如你分不到半張
只因你 放棄了幻想
才讓過十年的我 模糊了面相
＊在那天 哪個說對你好
說了不算 你怕苦戀今天重現眼前
無心等我 慢慢地來表演
只想一眼便看穿
待你好 你說有哪裡好
你看不見 我說不知怎講
拿著戒指閃兩閃 (懷著那星之碎片)
也許 在要分手那天
至夠勇敢來兌現 可否以後陪我過
我不會說了就算＊
聽得多 若然是沒有影像
承諾將歸於妄想
假使你 怕我會賴帳
留下這定情保障 隨時戴上
REPEAT＊
並不算 難得一見
然而嚴選戒指店 實踐諾言
待你好 你說有哪裡好 你看不見
情人若然 為你戴上 會望見
hohohohohohoho
A: My wife have left
B: I am so happy that your wife have left...
question: why would B be happy that A's wife have left?
謝謝
說了出來﹐舒服了許多﹐縱然結果如何仍然是未知之數﹐縱然在這一刻(還未到九點呢...), 已經想去睡了﹐是逃避麼? 也許是的﹐但真的有點四肢無力的感覺...在這種時候﹐是更要加倍保重身體吧。無論如何﹐謝謝你﹐你的聆聽與禱告﹐在最要緊的一刻﹐安慰了一個害怕的人。
兩國四城自由行之飲靚茶
記得前年去完巴西﹐返到美國好耐都無再食木瓜﹐因為兩地既品質真係相差太遠。今次旅行﹐係香港同上海分別飲左兩次靚茶﹐相信有排都唔洗係本城品茗啦。
香港利苑經A子打聽之下﹐聽聞係IFC (國際金融中心) 既利苑飲茶出名。多謝A子安排訂檯﹐雖然禮拜日打去都要禮拜五先有位, 重講到明十一點半開始飲﹐一點一定要交檯﹐似乎好巴閉。終於星期五﹐去到﹐地方唔錯。睇完menu, 叫左各款飲茶必吃既點心﹐好似蝦餃, 燒賣﹐蝦腸甘。再叫左特別D既銀蘿絲酥餅﹐太子金鋼卷﹐玉衣香蔬卷, 鹿兒島烤包﹐同天網煎鍋貼 (請看下圖﹐由上至下﹐左至右)。果然係好有水準﹐個人最愛係銀蘿絲酥餅﹐玉衣香蔬卷, 同鹿兒島烤包。當然所有野都好正﹐服務又好。可惜唔知佢既招牌點心包括楊枝甘露﹐所以無試到。兩個人飲左三百幾﹐算係高消費﹐但係物有所值。如果各位返香港﹐不妨試試。
係利苑同一層見到...
上海夏苑係上海﹐其實無諗過會去飲茶﹐一心諗住餐餐上海菜。但係姊妹J去過係Ritz Carlton 既夏苑﹐覺得好﹐weekend 重有半價。甘平? 當然要試下。同係利苑一樣﹐叫左各款飲茶必吃既點心﹐好似蝦餃, 燒賣﹐蝦腸甘。再叫豆苗帶子腸粉﹐玫瑰甜腸粉(即芝麻卷)﹐帶子鳳眼餃﹐魚翅灌湯餃﹐生滾膏蟹粥。 個蟹粥真係好好好味。三個人半價飲左二百幾﹐好抵!
係Ritz Carlton 又俾我地見到...
是日晚餐
Miso Soup
Salad
Sukiyaki
Eel and flying fish roe roll
Salmon Skin roll
Soft shell crab roll
Sashimi
Green Tea Ice-cream
無帶相機﹐請Jackie 用下想像力啦...
唉...
是小事吧﹐但不知為何﹐真的介意﹐可能無預算過會這樣...不知怎講﹐唯有訓一覺﹐當無事發生過?
兩國四城自由行之外遊有感
不知怎麼夜睡早起﹐不能肯定是否仍在思慮昨晚所感...突然想起大概是時候寫下旅程中的一些感受。雖然旅途中主要是吃喝玩樂﹐但離開了熟悉的環境﹐人事﹐再見故人故地﹐又或是新人新事﹐發現了解自己更多...
原來買東西﹐我還是喜歡自己一個。(我想友伴也發現了...)
吃與玩﹐還是多些人才好..
不見多時的舊友﹐大家各有各的忙碌與目標。曾經有過的共通點﹐早已不再有。誠然﹐大部份﹐見了面﹐還是歡歡喜喜的。生命中的不同﹐可以令友誼更加多火花。但若是變得話不投機﹐是否相見爭如不見呢?
遠離眼前人﹐發現原來...原來﹐有些人﹐由頭到尾都只是牙簽... 還是一早知而不肯承認呢?
雖然﹐美好的時光是那麼的短暫﹐但見到好想見的人﹐感覺還是挺好的...尤其是分手了﹐回頭﹐發現對方還在看著你離去﹐大家揮一揮手﹐期待下一次﹐不知在何時何地的再會。
兩國四城自由行之下一站天后
今次返香港的
日程異常頗密﹐走遍港九各區﹐所以花了不小時間在交通上。
坐得最多的自然是地下鐵。基本上各線﹐除了西鐵外都有坐過。但是今次發現﹐地下鐵不一定是最快的﹐因為要跑多層電梯才到地面﹐有時候由一個月台到另一個月台轉車也要走很遠路。但對不熟路的BL來說﹐地下鐵仍是最佳選擇。因為一般去的旺點都會在車站內有指示牌﹐又有地圖。
九鐵因到了沙田三次也坐了不少。除此以外﹐巴士﹐小巴﹐村巴﹐電車﹐的士﹐私家車都坐過, 反而從前天天坐的輕鐵就沒有機會搭。搭盡各種交通工具﹐真的覺得八達通非常方便。
兩國四城自由行之教會生活
小別三個週末﹐今晚是回來後第一次返團契。其實一直都想講下係兩國四城自由行期間的教會生活。
香港恩福未返香港之前﹐已經同Angie 提到想到恩福"朝聖"。
播道會恩福堂係香港近年大受神重用的教會。主任牧師蘇穎智所寫的書籍好像每日與主同行﹐新生命新生活﹐ 價值觀重整之旅﹐直攀高峰等等﹐相信不少弟兄姊妹都有看過﹐並從中獲益不少﹐BL亦不例外。今次回港﹐自然不會錯過到恩福聚會的機會。
禮拜天﹐坐地鐵到了荔枝角﹐起初還怕找不到教會﹐但一出A出口就見到恩福中心。其實恩福中心是十多層的大廈(不大清楚有多少層﹐但起碼有19 層), 基本上一定不會看不見。
10:20 左右﹐匆匆進入禮堂﹐發現已經坐滿了弟兄姊妹。10:25 就開始崇拜。其實中堂崇拜是10:30 開始的﹐但據說因人太多的關係﹐人滿了﹐禮堂就會關門。中堂崇拜有二千人左右。報告時﹐主席亦鼓勵大家返早堂﹐以免過份擁擠。
好享受敬拜讚美的時間﹐第一次與二千人一同敬拜神﹐感覺很特別。信息從傳道書講到人的不知足﹐生命的無常﹐如何不論環境都能掌握神給我們的福份﹐在勞碌中喜樂﹐對自己都好有幫助。因人多的關係﹐離開時是有點戲院散場的感覺。可惜沒有時間到書室去看看﹐但不失為一次特別的體驗。
上海國際禮拜堂在上海到了國際禮拜堂崇拜。
國際禮拜堂是用英語﹐給在上海工作的外國人聚會的教會﹐感覺上與在美國到英文堂崇拜差不多。除了崇拜前說明聚會給是要持有海外護照的人之外﹐ 及當地牧師會講一個簡短的信息才有講員再講主題信息外﹐其他程序無甚差別。其實我們也可以到當地的教會崇拜﹐但因時間不合而未有前往。
可惜因在星期天離開的關係﹐在東京未有機會返教會。不知將來會否有機會體驗一下當地的教會生活呢?
心花放
Thanks =)
trivia...
from home to chinatown, driving w/o traffic: 15 minutes
from parking to cubicle, walking, stopping to get breakfast at HK Bakery, stopping twice to tie my shoelace: 30 minutes
兩國四城自由行之剛剛好的假期
回來後﹐大家都問﹐"is it hard to come back?"
答案是肯定的不。
雖然因時間關係﹐有很多地方未去﹐很多美食未嘗﹐也有一些友人未有機會見面。但世界這樣大﹐又怎可能在兩星期內做那麼多呢? 加上在旅程中屢次病倒﹐沒有辦法﹐真的要有點自知之明。說到底﹐身體健康才是最重要。
其實兩個星期剛剛好﹐能夠完全放下工作﹐不會像一個長周末那樣一下子就過了。放假太久﹐回來一定不慣﹐更辛苦。人大了﹐不會再像以往一定要行盡所有景點才罷休﹐因為知道﹐要再去也不是那麼難。若不能再去﹐那只是因為我已經到了其他更精彩的地方。
兩國四城自由行之快餐店與茶餐廳
返香港有機會食過好多好野﹐當中當然包括由細食到大既快餐店同茶餐廳。係度同大家講下去過邊幾間同食左D乜啦。
美心快餐食過早餐同晚飯﹐早餐係餐蛋麵﹐晚餐係焗豬扒飯。 個人覺得早餐好過晚餐。
新釗記omelette ﹐沙爹牛肉麵加煲檸樂午餐﹐好味!
大排檔同A1 連續兩日去左沙田新城市廣場。一日同10A﹐一日同好姊妹。係大排檔食lunch, 食左期待已久既奶油多﹐奶醬多同西多士。大排檔偏貴﹐奶油多要十幾蚊。但係太耐無食﹐當日唔食就無時間再食﹐都ok 啦。
A1 格局比夠大排檔高級少少﹐坐得比夠舒服。食左個羊肉pizza, 同公司三文治﹐唔錯。
表哥粥麵專家去完澳門之後﹐去左係灣仔既表哥粥麵專家。叫左蟹粉撈河﹐水餃同油菜。蟹粉撈河特別又相當好味﹐油菜係芥蘭但係唔會苦﹐係美國好難食到甘好既﹐但當然係用左好多好多油啦。
好可惜無機會去大家樂﹐下次返香港點都要食番次先得。
兩國四城自由行之嘩一聲既甜品
飲飲食食﹐係返香港既另一主要節目。一向主修甜品既BL﹐係未返之前已經做齊資料搜集﹐目標係日日都食一次甜品!
急不及待﹐返去第一日﹐好友S帶左BL同A子去係銅鑼環既發記嘆甜品下午茶。三位分別叫左馬荳糕﹐薑汁蓮子清心丸﹐同楊枝甘露。第一次食清心丸﹐口感唔錯。楊枝甘露有好多芒果﹐好好味。最後再加一個芒果pancake, 可能因為有cream, 芒果又靚﹐好好食﹐好岩BL既口味。不過就無影到相。
同一晚﹐同好友S同佢男友係跑馬地既竹園海鮮飯店食完飯﹐發現大家都係主修甜品既同道﹐於是去左係附近既滿屋甜品﹐叫左西米芋蓉焗布甸﹐西米芝麻焗布甸﹐綠茶pancake, 同湯丸。焗布甸好好味﹐尤其係芋蓉果種。
第二日﹐返完教會﹐同A子去找公和荳品食豆腐花。點知未開市﹐不過唔緊要﹐因為大家都想去係元州街既
松記糖水。未走之前﹐旅遊大使已經大力推介松記既幻彩明珠﹐好友S既男友又提議試下綠茶奶皇湯圓﹐既然係甘﹐就叫呢兩樣啦。果然無介紹錯!!! 幻彩明珠好大碗﹐有好多生果﹐大西米﹐涼粉同紫米﹐好好味。BL亦第一次食涼粉﹐發現係真係唔鐘意食既。至於個綠茶奶皇湯圓, 真係超正! 從來對湯丸既興趣都不大﹐但係綠茶皮﹐ 奶皇餡真係一個絕配! 奶皇好香﹐又唔似其他餡甘漏。食完一口﹐真係忍唔住要嘩一聲!
同一晚﹐一早係君悅既Tiffin Lounge 訂左位食dessert buffet. 情調同景都唔錯。個人最愛係芒果布甸。可能係美國食過不少好味既西式甜品﹐Tiffin 人人都讚好既souffle, 反而只覺得一般。亞花以前屋企樓下個間Italian 整得重好食。
日日都食一次甜品﹐嚴格來講係做唔到既。不過其實重係City Super 買過豆腐同芝麻雪糕食。之後係澳門﹐上海同東京都有再食甜品(容後再談), 所以今次既收獲都算相當豐富啦。
兩國四城自由行之買書樂I
返香港﹐其中一個主要目的係買中文既基督教書籍。
係本城﹐最近要到NYC 或Lancaster 先有基督教書室﹐雖然價錢比較貴﹐選擇亦有限﹐但每次路經都會買一些書或是精品。今次返港﹐自然唔可以錯過買書既機會。
分別去過銅鑼環既
天道書樓﹐沙田既
突破書廊(同埋去多次天道)﹐重有係太子既
基道書樓 . 個人認為太子既基道書樓最好行﹐因為最大﹐重有休閒閱讀區可以坐低慢慢睇。
由於大量入貨既關係﹐strategy 係盡量係天道買番天道出版既書﹐係突破就買番突破既。因為一般書室都附屬出版社﹐如果係會員(天道要$70)﹐都會有折﹐自己出版社既會有八折﹐其他貨品就15% off, 10% off 甘。甘岩有好友係突破會員﹐Angie 又係基道member, 於是只需要join 天道一間。真係慳番唔少架。
今次買左不少CD﹐詩歌﹐見證都有﹐重有靈修書。同埋為數不少既精品﹐書簽等等﹐相信未來一年都夠用啦。遲D 開始睇書同聽歌再同大家分享值得推介既產品啦。
Teriyaki Boy 之再現江湖
今日放工﹐發現早前撤離Liberty Place 既Teriyaki Boy 再現江湖! 重係公司對面添。呢間BL當年住大蘋果時既外賣首選﹐食物唔錯﹐希望佢地做得住啦。因為果個位﹐之前都開過間日本快餐﹐但係好快就關門大吉啦。
兩國四城自由行之CEO Neway vs. 錢櫃
兩國四城自由行﹐竟然唱了兩次K。
從未係HK 唱過K﹐朋友介紹去了在銅鑼環糖街既CEO Neway。係上海去了據聞係名人浦點既錢櫃 Cash Box。
絕對推介
CEO Neway﹐雖然可能因為下晝去﹐又係春節假﹐非常多中學生﹐要等一個鐘。不過無所謂﹐去新釗記食個午餐﹐好味。返到去﹐有房啦。重係一個超大(起碼有平時團契聚會房甘大啦)﹐有私家洗手間既房。歌當然係新啦﹐音響亦好好。好似靚靚話齋﹐唱得麻麻D聲出離都好正。$59 一位﹐兩個鐘﹐有兩杯飲野。當然埋單時候就加多好多﹐但係都係$350 三位。一人$120 有找﹐好抵好抵。
至於錢櫃﹐亦唔錯。有間細房(無洗手間)﹐但係音響明顯差好多﹐好多時太大聲。夜晚去﹐食埋少少buffet餐﹐時鐘計﹐埋單$500 幾﹐都唔算貴。我地大玩舊歌﹐好似電腦哥哥既首本歌順流逆流﹐迎春花呀甘。好好笑。重唱埋寧夏﹐可惜就無夜遊杜拜﹐不過都好盡興啦。
兩國四城自由行之近鄉情更怯
出發前﹐心情自然是興奮﹐但在興奮之餘﹐其實是有點怯。
未算周遊列國﹐但年中出門不少﹐亦不怕搭機﹐坐車。只是上一次回鄉已是上世紀的事﹐香港是一個瞬息萬變的大都會。有點怕...回港﹐會否發現自己已成為一個不折不扣的老華僑﹐再也不能融入香港的生活呢?
原來擔憂全是多餘。
是的﹐香港的濕﹐真的不敢恭維。某些室內地方空氣不流通﹐亦令人很不舒服。但人多﹐節奏快﹐步伐快﹐一下子就慣了。可能曾在紐約工作過一段日子﹐慣了逼地鐵, 特別精通如何在行人路上左閃右避。加上從來都是心急人一名﹐除非病倒了﹐否則一向都快手快腳﹐節奏全無問題。自然﹐地方不熟﹐但找找逛逛, 要去的地方總會找到。一些少聽的用語﹐好像漫遊﹐增值﹐慢慢都明白。吃喝玩樂﹐更加完全無問題。
雖然只是短短數天﹐但如果有需要的話﹐我想我是能在港生活的。當然﹐香港已不是我家了﹐有選擇的話﹐一定不會回港定居﹐但骨子裡﹐永遠都是個香港人。
Blog/Diary
Blog/Diary