How to manage your boss
越來越覺得有這個需要﹐又或者應該說要好好地manage 自己的career. 同老細的performance assessment meeting 被他一改再改﹐上一次終於講了十五分鐘﹐但都是他主導﹐all over the place 的老細講了一大堆﹐都講唔到我想touch on 既野。於是決定本週五同佢一五一十講清楚﹐要寫定agenda。因為覺得以往都係被老細﹐被公司的改變牽著鼻子走﹐感謝神﹐發展都不錯﹐但都覺得係時候要proactive D, 無論結果如何都好﹐起碼都算做出過聲﹐希望個人方面有些突破。
Labels: Office Space
雞湯
這是我參考的食譜﹐不過我沒有celery, 所以沒有用。雞 (cost = 0)﹐日前吃雞脾﹐起了肉後剩下的骨我留下了。然後另一日亞媽在高檔超市買了隻五元燒雞﹐一家三口吃了兩天﹐雞身還剩下好多肉﹐於是將全部連汁用來煲。用了半個洋蔥(cost = $0.5)﹐半包紅蘿蔔(cost = $0.5)﹐加了一點家中有的dried herbs﹐再加了兩粒蒜頭﹐加了一點peppercorn, 鹽也沒有加。全放進slower cooker, 昨晚八點on low 到今早返工前turn off. 味道不錯。
留下的雞湯是打算禮拜五用來煮corn chowder的。上次忌廉頭說有點重味精﹐因為是用現成雞湯的緣故﹐今次應該不會吧。
想不到湯料還可吃幾餐﹐這個雞湯真的煮得過。
Chicken Broth in a Slow CookerLabels: 幸福滋味
一日
今早在月臺發現沒有帶電話﹐回到公司向忌廉頭報告﹐不過他說不要緊啦﹐應該無人call 你架啦。果然﹐晚上回來發現一個missed call也沒有.
今日的大事係1) 老細去工幹(其實係打golf) 2) Ben & Jerry's free cone day. 先前同在附近工作的姊妹K提過﹐於是電郵聯絡好﹐12點左右去了。不算多人﹐五分鐘內就拿到一小杯sweet cream and cookie. 日益慳家的我覺得免費的東西特別好味。一同去了某自助食店坐著吃那outside food﹐傾下計﹐幾開心。
早上如常做事﹐一直到飯後都好順利。怎料一點半左右一下子收到一年之內用爛部blackberry 的老細差不多二十個電郵! what the...大概因為搭緊機﹐一到埗就一次send, 於是我一次過全部收到。我真的非常勞氣﹐原因係一個報告人家上星期五問他要﹐但他今日才forward 給我﹐並說立即要做好。其他問題若他離去前預備好﹐就不用突如其來的要我放下我一早打算好做的東西去幫他。當然我全部幫他攪掂才走﹐但突然間要fire drill 地趕趕趕﹐真的無謂。而我原先要做的又做不到啦。
見今日好天﹐照原定計劃去剪頭髮。平日果然不用等。$20 包小費﹐都不能要求那麼多。其實我覺得都可以接受﹐要專程上NY剪我覺得too much hassle。最主要不想忌廉頭等我個幾鐘啦。
剪完髮回來﹐發現技安去了Phillies game, 於是同亞媽吃了兩只蛋(還剩下了蛋白做面膜)﹐吃了昨晚做的雞湯的湯料就一餐。湯料還有好多﹐會是我未來兩天的午餐。
蘇牧師的主日學終於聽到十災啦。
Labels: 生活
李清詞牧師講道
一連聽了三篇李清詞牧師在窩福的講道。一篇係父親節﹐講同天父的關係﹐一篇講崇拜﹐一篇講宣教﹐有point, 又生動﹐好有得著。先前都聽過李牧師﹐又有看過她的一本書﹐上網找到她的見證。香港首位女牧師﹐為神工作幾十年﹐不簡單。
李清詞牧師見證Labels: 靈命補鐘
mileage
從來沒有真正計算過車子可行多少哩數﹐現在油價高企﹐遲些又要開車上班﹐於是今天入完油就計一計。
5.87 gallon 走了122.2 miles
即是說1 gallon 可以走20.8 miles
除了返教會以外﹐都沒有怎樣行highway, 其實出費城都不算真的行highway. Local 行20 miles, 也算可以啦。
Labels: 生活
牙醫
除了去乾洗之外﹐另外一樣大家覺得我時常做的就是去dentist appointment. 個人無甚麼大問題﹐大概四個月去洗一次牙就是了。﹐但亞媽就有好多不同的procedures 要做。無牙保真的不便宜﹐root canal 要去兩次﹐價錢係$678 + $130﹐再加上洗牙$95﹐x-ray 又好像百多塊﹐如此就去了我返香港的機票。有很多人無保險就不看牙醫﹐但我想健康緊要﹐牙痛慘過大病﹐慳其他都要照顧好身體﹐唯有當係牙醫處看了一大堆雜誌係一種補償。今晚去完﹐下次再去會係9月。
Labels: 生活
shortcut
多謝忌廉頭教我用control space bar, 現在可以用firefox 作文啦。
27 days later
這兩天雖然正常時間出門﹐但到了車站平時用的停車場都滿了。見近日不用太晚走﹐為了省下一元泊車費﹐於是泊到遠一點的免費停車場。不知是否春天到了﹐早了天亮﹐大家都早點上班呢? 不過好快我就不能搭火車上班啦。因為終於出了電郵﹐5/16 會搬﹐5/19就會在新地點上班。剛巧5/19 我放假﹐所以還有27日。從來都在城市工作的我真的不知能否適應新的生活呀。
米貴
星期日食午飯時大家講到米貴。當時聽說一包米由$11, $12, 加到$18, $19﹐以往叫碟頭飯如果最後只淨白飯都未必會帶走﹐但今時唔同往日都要。當日亞媽去超市發現漲價到超過二十元一包﹐真的加了一倍! 米貴﹐點好呢? 唯有食少D﹐或食其他澱粉類。剛剛看電視聽說Costco 等店開始限制顧客買米的數量﹐不知何時米價才會回落呢?
Labels: 生活
2008 NBA playoffs
剛剛Sixers 贏了game 1, 由 down 13 points at half time 到最後90 vs. 86 贏了Pistons, 技安當然極高興。亞爸同技安都鐘意睇NBA, 所以一向都會留意下。當然現在又會同忌廉頭一齊睇。早前聽說本季的收視好了許多﹐因為球賽比較有睇頭, competitive games 永遠係收視的保證﹐相信今年一定會睇唔少。
百物騰貴II
上兩星期去DC﹐油係$2.97﹐今日已經加到$3.25。
高檔超市自家牌的罐頭粟米由$0.25 加到$0.33, 加左三分一! 於是今日入了8罐。
見到奶減價($2.99) 於是快快買啦﹐又買了兩大包廁紙。
之前看NY Times 講澳洲因長期乾旱(不知是否global warming 所致)以致米出產大跌﹐現在全球米價高企﹐同少了澳洲米好有關係。
先前看PBS 的節目講到現在很多有工作的人都要去 food pantry。 food stamp program 只足夠人食三星期﹐之後就用完啦。雖然物價高企﹐但自己都算是幸福的一群﹐真係要節儉D﹐亦都要幫助下有需要既人。
Labels: 生活
禮拜六的上半場
今日香港打風﹐帶協我係甘收到香港來既電話﹐首先係關心我日常生活既大佬。當然我好詳細甘報告我今早既行情﹐同技安一齊﹐首先去乾洗﹐今次早D無咩人。之後去mall, 十點幾除左有晨早sales 既Macy's 之外無咩人﹐萍果都係小貓三四﹐真係好鐘意部iMac, 20 inch 都好靚啦。有張$10 off $25 既coupon 所以去Macy's﹐咩都唔岩﹐真係好啦﹐又慳番。因為要去Modell's 由JC 那邊入﹐發現會有新既food court, 08 late summer, 大佬返來我地去下啦。之後無移車﹐當係運動行返轉頭。之後又去超市﹐今次有salmon, cheese spread 同salad 試食。用一眾coupon 買左唔少野﹐不過D 野真係貴左﹐容後再講。然後我地去用coupon 食雞包﹐買combo 送包一個﹐唔錯。返黎一齊食野睇電視。當我一切攪掂上返來﹐就見到亞霸既IM﹐講左一陣﹐佢重話我甘遲覆添﹐無法啦﹐食緊野呀﹐下次再傾啦。其實出門前都同亞花傾左一陣。當我想打俾加國表妹就收到大既電話﹐好似local 甘講左10 分鐘。殊不知講完就收到係機場等人既tiger 既電話﹐真係好轎呀﹐同大佬都有講開tiger, 同亞花又有講tiger, 點知佢就打來。其實今朝YM都有同佢講左幾句﹐不過講電話係唔同既。可惜tiger 無公司既電話卡D音質就差好多啦。
之後call 表妹又無聽﹐不過無急事既﹐反正電話包打加國諗住物盡其用遮。
進步
又到季尾﹐自然要加班。本週的時間可算理想﹐週二八點走﹐週三七點走﹐今日六點走﹐每日早一小時﹐算是不錯。希望明日可以五時下班﹐雖然老細既老細做野甚慢﹐大概六點比夠可行。本季覺得自己工作上有進步﹐雖然要做的基本上一樣﹐但做了一年多﹐建立了根基﹐所以對事情明白多了。有些東西知道自己是對的就不怕對方大聲而會慢慢與對方講明白。改善了某些report﹐自己定了些timeline 都可以算是如期做妥。過了明日當會輕鬆些﹐希望新人會如期五月中開工﹐雖然起初要訓練﹐但長遠計認該可以幫輕一下。
legands of the fall
唔介意加班﹐因為工作總要完成﹐而且有八點走的日子﹐亦有三點走的時候﹐所以工作時間大致上都算合理。不過加班最麻煩就係搭車。夜了班次稀疏﹐但老闆總是我臨走才問長問短﹐所以每次都累我要急急腳走人。日前又為免趕不上車而係甘走呀走呀去車站﹐點知就係Chestnut 同19左右劈啪跌低﹐左邊先著地﹐一身行政look 倒地都幾肉酸。幸好可以自行迅速企返起身﹐抱著打落門牙和血吞的心態仍然保持原有速度走到車站。回家驗傷﹐發然左手食指甚痛並有點瘀血﹐昨晚覺得右上身有點扭傷之感﹐現在左手有點輕微抽筋﹐認真麻煩﹐希望快D無事啦。
相
每次有值得分享的新相片都會寄給朋友﹐一張相片勝過千言萬語﹐是跟外地友人保持聯絡的好工具。
早前去DC 花見的相片給朋友﹐收到不少回覆。最要緊的當然是姊妹J回覆她新生兒的照片啦﹐真為她高興! 她的產後照也是極亮麗的(很多人的都是一面累容)。當然有好多人讚我們的相靚﹐不過最攪笑係亞積以為亞媽係忌廉頭家姊! 難道Fendi 黑超真的會叫人後生幾十年?
delayed gratification
去年開始想換電腦﹐最後一拖再拖到現在都未換。當然新電腦一定會快點﹐又唔會間歇性restart,但基本上大把電腦可用(亞媽部laptop ﹐公司部laptop﹐技安部desktop)﹐所以挨下又一個月。如果電腦一日可以開機都可以用落去﹐如此這般delayed gratification 就幫我省了$400 大元(這是我買新機的budget)。希望電腦繼續爭氣﹐挨多一年半載就好啦。
摩西-僕人領袖
剛過去的星期日完成了摩西第二課﹐起先都有點擔心﹐因為開始了預備但又停了。接著又有點忙﹐幸好最後都OK。今次教出埃及記3-4:17﹐講摩西的蒙召﹐都是很熟的經文﹐從不同的角度看又有新的體會﹐總括而言可以有以下的反醒:
- 萬軍之耶和華說：不是倚靠勢力，不是倚靠才能，乃是倚靠我的靈方能成事。(撒迦利亞書 4: 6)
- 神若呼召我們與祂同工﹐也必給我們足夠能力去完成。
- 人不能﹐神能! 但我們願意嗎?
今堂首次嘗試無分組(一來人不多﹐二來怕時間不夠﹐三來想試下效果如何)﹐都可以喎。不過當然都有叫同學們參與﹐不是我一言堂。
今季主日學人數少了﹐希望係因為大家都到了另一班吧。下一次會係5/11 ﹐今個星期忙完就要開始預備啦。
鬼佬超市的中國野
日前同技安去高檔超市買野﹐諗住星期六應該會有好多試食﹐可以慳番唔洗煮晏晝果餐。點知可能好天無咩人﹐所以無咩野食。見有兩張$1 off coupon 就買左個星洲炒米 ($5.99) 同一個lobster bisque ($3.49 or $3.99), 價錢都ok, 不過 星洲炒米就唔夠辣同無叉燒﹐lobster bisque 又唔係甘岩我口味。大概鬼佬地方賣既中國野都係唔得﹐無下次啦。
dry clean
好耐無去過乾洗﹐因為原先用開果間關了門。一直躊躕唔知去邊間好﹐最後尋日同技安去了在舊店附近的一間﹐$1.99 any garment。先前都知有﹐但係因為遠兩步的緣故無去到﹐一去發現竟然好大規模﹐一條line 排隊﹐有四個服務櫃台﹐恕我見識少﹐成世人都未見過甘既乾洗鋪。重係in by 9, out by 4。先前的那間﹐唔係真係件件$1.99 既﹐大件D既褸呀﹐特別布料要加錢﹐當然就唔係甘快可以取貨啦。希望呢間洗得乾淨﹐甘可以繼續去﹐唔駛煩。
Labels: 生活
一份醋一份水
日前公司的網頁有講spring cleaning, 其中有介紹自制清潔劑﹐例如﹐一份醋一份水﹐可以用來洗廁所﹐洗廚房。最近百物騰貴 ﹐如家中有加上用醋就不用另外買清潔劑。用這自制品亦比較環保﹐因為無化學加工。其實檸檬, baking soda 都可以用來清潔家居。以下的網頁有不同的提議:
自制天然清潔劑Labels: 生活
Penang
趁大佬出街﹐即刻作番篇文等佢返來有得睇先。日前亞媽同同事去放題﹐我同技安唔想煮就諗住出去食。原先我想試下新開間Pei Wei Asian Diner, 不過技安睇完menu 無興趣﹐最後去左38新開既檳城。從外面睇無咩特別﹐點知裡面裝修得幾靚下﹐中間有個大噴水池﹐D檯又唔會好密﹐做鬼佬生意大概要係甘。menu同其他店一樣﹐但係一般食物貴$1﹐$2﹐要補貼裝修之故。
花見
剛剛的星期六同忌廉頭一家同亞媽去了華盛頓看
花見。難得天氣絕佳﹐與數年前
跟大佬去那次有天淵之別。多謝忌廉頭開車﹐由朝到晚﹐辛苦你啦。不過難得父母們都未看過花見﹐見到他們興致渤
渤地賞花﹐影相﹐傾計都好高興。我們又可以自己行下﹐影下相﹐玩下估野遊戲都好開心呀。
大家要看相片的話﹐請移玉步到
忌廉頭那邊。
對DC一直有情意結﹐第一間收我的大學在DC﹐畢業後第一間請我的公司也在DC。不過我最後兩處都沒有去。大學第一年去了兩次(還是三次呢?)DC, 畢業後跟技安去過一次﹐還住在水門酒店。又一次跟姊妹三人去博物館週末遊﹐又一次就是跟忌廉頭﹐亞花﹐10A去探YY。
對上一次係姨媽及表弟妹來美時去過。到現在都仍然有朋友在DC﹐不過就算沒有﹐我都可以一去再去。
四月的第一天
風和日麗的好日子﹐可惜我不是屈在公司﹐就是呆在家中...
像這樣的日子﹐經過公園總是會見到人放狗呀﹐帶小朋友出來玩呀﹐坐著看書呀﹐真的悠閑。不知退休生活是否如此? 可惜就算是都與我無關﹐大概要工作到七老八十才可以停下來。
好希望今年有機會spontaneous within reason 地放一次假。突然好懷念06年去的兩次旅行﹐可以說是想去就去﹐若有朋友接待的話﹐自己上路絕對無問題。
Blog/Diary
Blog/Diary